جريدة الاضواء الالكترونية
مقالات مشابهة
بقلم: علاء عبد طاهر فلحي
“وما أدراك ما الفساد” كلمة سمعناها هواي، بس من تعيشها تحس بيها تختلف.
الفساد مو بس واحد يمد ايده وياخذ فلوس. الفساد سرطان يمشي بهدوء وياكل بالجسم كله… بالمدارس، بالمستشفيات، بالطرق، بأحلام الشباب.وجوه الفساد
1. فساد المال: مشروع بمليارات يطلع شارع يتكسر بعد أول مطرة. مستشفى بلا دواء، ومدرسة بلا رحلات.
2. فساد الإداري: ابن المسؤول يتعين، والخريج الأول على الكلية يفتر على الأبواب. الكفاءة تنذبح، والواسطة تعيش.
3. فساد الأخلاق: من يصير الكذب شطارة، والغش ذكاء، والسكوت عن الحق حكمة. هنا المجتمع كله يمرض.الثمن ثمن الفساد ندفعه كلنا. ندفعه من ننتظر 6 ساعات بالإسعاف. ندفعه من نشوف سيارات الإطفاء ما توصل لأن الطريق محفر. ندفعه من ينهزم الشاب ويهاجر، لأنه حس انه بلده ما تريده. والأخطر… ندفعه من ننسى دم الشهيد اللي راح حتى نبني وطن نظيف. الحل وين؟ الفساد ما ينتهي بقانون واحد. ينتهي من يصير عدنا 3 أشياء:
1. محاسبة: لا كبير على القانون. اللي سرق لازم يرجع اللي سرقه وينسجن.
2. رقابة شعبية: الإعلام، المواطن، الموظف الشريف… كلنا عيون على المال العام.
3. تربية: نربي أولادنا انه “الحرام” مو بس كلمة، الحرام يرجع بمرض، بفقر، بذل.
الخاتمة العراق غني. غني بنفطه، بماءه، بعقول شبابه، بتضحيات شهدائه. بس الفساد دا يسرق الغنى هذا كله. إذا ردنا نبني “سور الوطن” لازم نهدم أول سور للفساد داخلنا. لأن الوطن اللي ما يحارب الفساد، راح يحاربه الفساد. الله يحفظ العراق وأهله من كل فاسد.
