جريدة الاضواء الالكترونية
مقالات مشابهة
كتبت : هناء العبادي ـ العراق
كلمة “نعم” وكلمة “لا” صغيرتين بالحروف، بس كبار بالمعنى والأثر. مرات كلمة “نعم” تفتحلك أبواب الخير، ومرات “لا” تنقذك من الغلط. فالذكي هو اللي يعرف وين يگول نعم، ووين لازم يگول لا.
أولاً: متى نقول نعم؟ نعم للحق والخير
نعم لمساعدة المحتاج، نعم لصلة الرحم، نعم للعلم والعمل.
مثال: صديقك محتاج مساعدة بالدراسة… هنا لازم نعم.
نعم للفرص
نعم للتحدي اللي يطورنا، نعم للاعتذار من نغلط، نعم للتعلم من أخطائنا. نعم لأهلنا ومعلمينا نعم لنصيحة الأم والأب، نعم لتوجيه الأستاذ. لأن قصدهم مصلحتنا.
ثانياً: متى نقول لا؟ لا للغلط والحرام لا للكذب، لا للغش، لا للتنمر، لا لرفقاء السوء.
مثال: واحد يگلك تعال نغش بالامتحان… هنا لازم لا قوية.
لا لاستنزافنا لا للشخص اللي ياخذ من وقتك وطاقتك ومصلحته بس.
لا للضغط اللي يخليك تسوي شي ضد مبادئك. لا حتى نحافظ على نفسنا مرات نقول لا حتى نحترم وقتنا وصحتنا وأهدافنا. “لا” مو معناها أنانية، مرات معناها “أحترم نفسي”.
ثالثاً: كيف نقرر؟
اسأل نفسك 3 أسئلة قبل ما تجاوب: هل هذا الشي يرضي الله وضميري؟ هل راح أندم عليه بعدين؟ هل هذا الشخص يستاهل مني نعم؟ الحياة مو كلها نعم حتى نصير ضعفاء، ومو كلها لا حتى نصير قاسين. التوازن هو الحل. قول “نعم” للشي اللي يبنيك، و “لا” للشي اللي يكسرك.تذكروا: “الشجاع مو اللي يگول نعم لكلشي، الشجاع اللي يگدر يگول لا بالوقت الصح .
