جريدة الاضواء الالكترونية
مقالات مشابهة
كتب : محمود علام ـ مصر
تحليلاً مرعباً عما يجري في الشرق الأوسط وخلفه إس-رائيل خد بقى المفاجأة الصادمة دي… أوكرانيا طلعت متورطة في قصف منشآت النفط العراقية والسعودية، والمخابرات العراقية لسه قابضة على خلية جواسيس جوه العراق اعترفوا رسمياً إنهم شغالين لصالح أوكرانيا!ولو عايز دليل ملموس على إن اللي بيحصل في منطقة الشرق الأوسط مابقاش مجرد صراع إقليمي، ولكنه بيتحول ببطء وبخطوات متسارعة لحرب عالمية كبرى بتندمج فيها جبهة روسيا وأوكرانيا مع الصراع بين إيران وأمريكا وإسـ رائيل ودول الخليج، فـ ركز معايا كويس عشان السطور اللي جاية دي هتوضحلك كل حاجة، ومن أهم الموضوعات اللي هتقرأ عنها على الإطلاق… القصة بدأت قبل أيام لما تعرضت منشآت نفطية حيوية في الرياض والمنطقة الشرقية بالسعودية، ومعاها أهداف تانية جوه العراق، لهجمات مكثفة بطيارات مسيرة انتحارية… التقييم الأول والتكهنات اللي كانت مالية الصحافة وقتها إن الهجمات دي جاية من فصائل مسلحة عراقية مدعومة من إيران بهدف التصعيد ضد الخليج… لكن الصدمة طلعت أكبر من كده… القنبلة فجرها مستشار الأمن القومي العراقي لما أعلن من كام ساعة عن سقوط خلية استخباراتية أوكرانية تم ضبطها جوه الأراضي العراقية، وأفراد الخلية بعد القبض عليهم، اعترفوا بتنفيذ هجمات بالصواريخ والمسيرات لإلصاق التهمة بالفصائل المحلية!
طب يعني أيه الكلام ده بالضبط؟! معناه يا صديقي بمنتهى البساطة والاختصار، ان أوكرانيا بقالها فترة بتنفذ عمليات “علم مزيف” (False Flag) هدفها الوقيعة المباشرة بين العراق والسعودية وإيران، وجر الخليج للصدام المباشر لصالح إسـ رائيل وأمريكا! ولو ربطت ده بمدى تطور القدرات الأوكرانية مؤخرًا في قصف واستهداف روسيا، والدعم الغربي غير المحدود اللي واخده زيلينسكي ومخليه قادر يسدد ضربات موجعة في قلب موسكو نفسها، هتلاقي ان كده في صفقة خفية شغالة بين أوكرانيا وبين اسـ رائيل وأمريكا…الصفقة دي بتقدم فيها أمريكا واسـ رائيل الدعم المالي والاستخباراتي والسلاح والفلوس لأوكرانيا عشان تضرب روسيا ومصافي النفط في قلب موسكو بقوة غير مسبوقة وغير مفهومة، مقابل ان أوكرانيا تورط إيران مع الخليج وتخلي المسلمين يحاربوا بعض، وكمان تحقق هدفها الخاص بإنها تنتقم من الدعم الإيراني لروسيا في وقت الحرب، وتكنولوجيا المسيرات (شاهد 136) اللي بعتتها للروس! وهو ده سبب الضربات القوية اللي احنا شايفينها بقالنا أسابيع على روسيا، وسبب إن أوكرانيا بقت مؤخرًا بتزيد قوتها ودقة ضرباتها بشكل غريب…
– ومش بس كده… لسه في مفاجآت ودلائل تانية 👇
اللي هيثبتلك الكلام اللي فات ده، هو إن التدخل الأوكراني في الحرب مقتصرش على الساحة العراقية والسعودية بس…
كييف اصطدمت بشكل مباشر مع طهران قبلها بأيام لما أعلن الرئيس الأوكراني زيلينسكي عن تنفيذ ضربات بعيدة المدى استهدفت سفن إيرانية في بحر قزوين، بحجة إنها بتنقل شحنات عسكرية ومعدات لروسيا!
الهجوم ده وقتها أسفر عن انفجار سفينة تجارية إيرانية ومقتل أحد أفراد طاقمها، وأثار غضب شديد في طهران اللي هددت بالرد، وقالوا نصًا إن “زيلينسكي يلعب لصالح تـ ل أبيب لأجل أن يجر أوروبا والشرق الأوسط لحرب مفتوحة.”
– كل الخيوط دي لو عملت Zoom Out وبصيت عليها من فوق من منظور بانورامي، وجربت تربطها ببعضها، هتلاقي إنها بتأكد بما لا يدع مجال للشك إن جبهات الحروب اللي بتحصل في العالم كلها بقت متداخلة بشكل غير مسبوق…
أوكرانيا حاليًا بتحاول تضرب عصفورين بحجر؛ تضغط على روسيا وحلفائها من جهة، وتتودد للغرب وإسـ رائيل عشان يساعدوها بالفلوس والاستخبارات والسلاح من جهة تانية…
وطبعًا روسيا مش ساكتة، وحاليًا الروس اتفقوا مع كوريا الشمالية اللي هتبعتلهم 30 ألف جندي عشان يشاركوا في جبهة الحرب ضد أوكرانيا بشكل مباشر… ده غير اللي بيدور ما بين الحوثيين في اليمن وما بين السعودية، وتهديد الملاحة اللي بقى شغال حاليًا في باب المندب والبحر الأحمر…
إحنا يا صديقي حاليًا في قلب صراع إرادات عالمي بين أكبر قوى في العالم، وكلهم للأسف جايين يلعبوا عندنا هنا في الشرق الأوسط…
